Boqor Buur Madow oo wareysi gaar ah siinayay Idaacada Horn Afrik ee magaalada Muqdisho ayaa waxaa uu ayaan daro ku tilmaamay in dhibaatada ka socota Koofurta Soomaaliya ee 20-jirsatay.

"Waa ayaan daro in dhibaatada labaatanka sano ee ka taagan Koofurta Soomaaliya, waliba Magaalada Muqdisho ay had iyo jeer ka dhacaan dagaalo iyo duqeyn oo lagu laayo dadka marasta ah"ayuu yiri Boqor Cusmaan Buur Madow.

Boqorka ayaa Madaxweyne Shariif ugu baaqay inuu is casilo, isagoo sheegay in halkii shalay Madaxwey-nihii hore ee C/llaahi Yuusuf kula dagaalamayay in Ciidamada Itoobiya ay dadka xasuuqaan, uu maanta raali ka yahay in Uganda iyo Brundi ay shacabka xasuuqaan sida uu hadalka u dhigay.

"Aniga waxaa qabaa meesha Caalamka hada uu doonayo in Shabaab ku tir tirraan in marka hore meesha laga saaro Shariif iyo Dowladdiisa"ayuu yiri Boqor Cusmaan Buur Madow.

Mar uu ka hadlay Kooxo diimeedyada Soomaaliya ayuu sheegay inuusan taageersaneyn, isla markaana uu raali ka aheyn gaaleysiinta dadka, isagoo xusay in diinta ay tahay mid Raxmad ah oo aanay aheyn in dadka lagu san-duleeyo.

"Aniga ma qabo in dadka surka laga gooyo, in la dhaho Diinta qasab baa kugu xukumeynaa, Diinta waa raxmad"ayuu yiri Boqor Buur Madow.

Hadalkan ka soo yeeray Boqor Cusmaan ayaa ku soo aadaya, xilli magaalada Muqdisho ay u joogtoobeen dagaalada iyo duqeymaha aan dhamaadka laheyn, taasoo maalin walba dad fara badan oo rayid ah ay ku le'daan.

Xafiiska Muqdisho ee  cisaleey.com iyo wararkii ugu danbeeyay

cisaleeynews@hotmail.com