Faah faahin ka soo baxeysa
dagaal duleedka Dhoobley ku dhex maray Ciidamada Axmed
Madoobe iyo Shabaab.
Muqdisho,cisaleey,28.July.2010:Warark
laga helayo Dhoobleey ayaa waxa ay sheegayaan in dagaal
xoogan uu ka dhacay deegaankaasi kadib markii ay isku heleen
Maleeshiyaadka Alshabaab iyo kuwa Axmed Madoobe.
Dagaalkaasi ayaa lasoo sheegayaa in uu
khasaare xoogan geystay iyadoo labada dhinac ay soo kala
gaartay dhimasho iyo dhaawac xoogan.
Sida ay ku waramayaan dad goobjoogayaal
ah oo ku sugan gudaha degmada Dhoobley dagaalka ayaa
bilowday kadib markii guutooyin ka tirsan Ciidamada uu
hogaamiyo Axmed Maxamed Islaam oo horey uga tirsanaa
saraakiisha Xisbul Islaam ay dhowr jeho ka soo weerareen
labo saldhig oo duleedka waqooyiga
Dhoobley ay ku lahaayeen maleeshiyada
Alshabaab.
Dagaalka oo mudo socday ayaa waxaa ku
geeriyooday 7 qof oo ka mid ah dhinacyadii dagaalamayay,
waxaana ku dhaawacmay in ka badan 10 qof iyadoo la sheegay
in ciidamadii uu hogaaminayay Axmed Max’ed Islaam ay mudo
kooban la wareegen gacan ku heynta saldhigyadii ay weerarka
kusoo qaadeen iyagoona gacanta ku dhigay gaari booyad ah oo
yaalay mid ka mid ah saldhigyada ay weerarka kusoo qaadeen.
Xaaladda Waqooyiga degmada Dhoobley
ayaa mudo cakirneyd waxaana la maqlayay mudada dagaalku uu
socday rasaas iyo madaafiic u badneyd Baasuukayaal ay is
weydaarsanayeen dhinacyadi ku dagaalamay-ay waqooyiga
degmada Dhoobley ee gobolka J/hoose.
Ururka Alshabaab ayaa lasoo sheegayaa
in khasaaraha halkaasi kasoo gaaray uu aad u xooganaa, waxaa
Axmed Islaam maleeshiyaadkiisa ay ku dagaalamayaan hawlgalka
loo yaqaano kudhufo oo ka dhaqaaq.
Xafiiska
Muqdisho ee cisaleey.com iyo wararkii ugu danbeeyay
cisaleeynews@hotmail.com
|
