|
Ururka Xizbul Islaam oo
sheegtay mas'uuliy-ada dagaaladii degmada Hodan ka dhacay.
Muqdisho,cisaleey,28.July.2010:Kadib
markii shalay gelinkii dambe dagaalo xoogan oo bar bar
socday duqeymo ay ka dhaceen degmooyinka Hodan iyo H/wadaag
ayaa waxaa mas'uuliyada dagaaladaas shee-gtay ururka Xizbul
Islaam oo maalmihii u dambeeyay aanay qeyb ka aheyn
dagaalada Muqdisho.
Afhayeenka dhanka howl galada u
qaabilsan Xizbul Islaam Shiikh Maxamed cismaan caruus ayaa
sheegay in dagaaladii shalay ay bilow u ahaayeen weeraro ay
qorsheynayaan in bisha barakeysan ee Ramadaan ku soo
dhoweeyaan.
Mr Caruus ayaa sheegay in dagaaladii
shalay dhankooda ay guulo ka gaareen, isla markaana dhinaca
ciid-amada dowladda kaga gubeen gaadiid dagaal, ayna ka
saareen dhufeysayadood sida uu hadalka u dhigay.
Waxaa uu tilmaamay in ciidamadooda
shalay ay gaareen agagaarka Isgoyska KM4 oo fariisin u ah
Ciida-mada Amisom, ayna ciidamadooda ka saareen
madaxtooyadii hore ee C/qaasim iyo Isbitaalkii Digfeer
ciidamada dowladda ee fariisinka ku lahaa.
Dagaalkii shalay ayaa ahaa kii ugu
xooganaa mudooyinkan ka dhacay degmooyinkaas, waxaana
dagaal-adii maalmahan ka dhacayay Muqdisho ay ahaayen kuwo
ku kooban dhinaca waqooyiga Muqdisho.
Ciidamada dowladda ayaa horay
degmada Hodan uga saaray kooxaha mucaaradka, iyagoo kula
wareegay dhowr fariisimo sida Tarbuunka iyo xaafadaha taleex
oo u ahaa saldhig ay ka soo duuli jireen.
Xafiiska
Muqdisho ee cisaleey.com iyo wararkii ugu danbeeyay
cisaleeynews@hotmail.com
|
