|
Midowga Afrika oo isku raacay
in 4-kun askari u diraan Soomaaliya.
Muqdisho,cisaleey,28.July.2010:Shirkii
madaxda dalalka Africa ay ku lahaayeen magaalada Kampala ee
dalka Uganda ayaa gaba gabadiisa waxaa ka soo baxay go'aan
la doonayo in wax looga qabto xaaladda ammaan ee Soomaaliya.
Waxaa la go'aamiyay in sida ugu
dhaqsiyaha badan afar kun askari loogu soo diro gudaha
Soomaaliya, kuwaasi oo lagu kordhinayo howlgalka Amisom.
Shirkan ma uusan ka soo bixin
go'aano la filayay oo ay ka mid yihiin tirada ciidamada ee
loo soo dirayo gudaha Soomaaliya iyo weliba in la bedelo
awooda sharci ee ay ku howl galayaa Amisom.
Madaxda ka qeyb gashay shirka ayaa
waxaa ay isku raaceen in laga fikiro in ay howlgalo ama
weeraro ay qaadaan ciidamada Amisom, inkastoo Mareykanka iyo
Qaramada Midoobay ay ka soo horjeesteen nabad dhaliyeyaal
loo bedelo ciidamada Amisom.
Jan Ping ayaa wuxuu sheegay inay ka
go'an tahay Midowga Africa inuu ciidamo dheeraad ah si
deg-deg ah ugu soo diro Soomaaliya.
Afarta kun ee ciidamada loo soo
dirayo Soomaaliya ayaa waxaa ay ka imaanayaa Guinea kun
askari, Jabuuti kun askari, iyo wadamada Igad oo soo diraya
labo kun askar.
Xafiiska
Muqdisho ee cisaleey.com iyo wararkii ugu danbeeyay
cisaleeynews@hotmail.com
|
