Muqdisho,cisaleey,27.July.2010:Wasiirka
dhaqan celinta iyo arrimaha bulshada Prof. Maxamed Cumar
Dhalxa ayaa si kulul u weeraray siyaasada Dowladaha Carbeed,
isagoo ku eedeeyay in si xun ula dhaqmaan dadka Soomaalida
ee dalalkooda ku sugan.
Shir jaraa'id oo uu warbaahinta
Muqdisho ugu qabtay maanta magaalada Muqdisho ayaa waxaa uu
Prof. Dhalxa sheegay in dalalka Carbeed aanay soomaaliya u
noqon sidii ay ka filayeen.
"Walaalaheena Carbeed sidii aan ka
fileynay Soomaali uma noqon, maxaa yeelay maanta waxay
joogtaa in dalalka Afrikaanka ay ciidamo noo soo diraan, oo
naftooda u huraan, aaway wiilashii carbeed halkaan ayaa laga
tabayaa, ugu yaraan 200-ciidan ma noo soo direen, hadii
ciidamo inoo soo diri lahaayeen wax-aa laga yaabaa in iyagoo
Muslim ah hada xaalada Soomaaliya wax ka badali
lahaayeen"ayuu yiri Prof. Dhalxa.
Prof. Dhalxa ayaa sheegay in
maxaabiista dalalka Carbeed ay ku jiraan soomaali fara
badan, kuwaasoo uu xusay in dhibaatooyin xoogan ay ku heyso,
waxaana uu sidoo kale xusay in dadka qaxootiga ee ka cararay
dagaalada Soomaaliya ay ka soo tarxiilayaan dalkooda,
bedelkii ay magangalyo siin lahaayeen.
Waxaa uu sheegay in dalalka Carabta
ay ka gaabiyeen taageerada ay uga baahnaayeen, "Ma arag
xataa in Markab ay inoo soo direen ama Bur wada, ama Timir
iyo saliid inoo keena, oo ay is dhahaan walaalahiina
Soomaaliya ugu gar gaara"ayuu yiri Prof. Dhalxa.
Waa Wasiirkii u horeeyay ee si kulul
u weerara siyaasada Dowladaha Jaamacada Carabta oo ay qeyb
ka tahay Soomaaliya, iyadoo dalalka Carabta qaarkood saaxib
dhow la yihiin Madaxweynaha talada haya Shariif Shiikh.
Xafiiska
Muqdisho ee cisaleey.com iyo wararkii ugu danbeeyay
